Avioni më i madh në botë i shkatërruar në Ukrainë

pixabay

Avioni më i madh në botë, Antonov AN-225, është shkatërruar gjatë pushtimit rus të Ukrainës, sipas zyrtarëve ukrainas, duke shkaktuar alarm dhe trishtim në botën e aviacionit në të cilën ai zë një status thuajse kult.

Avioni i madh, i quajtur “Mriya”, ose “ëndërr” në gjuhën ukrainase, ishte parkuar në një aeroport afër Kievit kur u sulmua nga “uzurpuesit rusë”, thanë autoritetet ukrainase, duke shtuar se do të rindërtonin avionin.

“Rusia mund të ketë shkatërruar ‘Mriya’ tonë. Por ata kurrë nuk do të jenë në gjendje të shkatërrojnë ëndrrën tonë për një shtet evropian të fortë, të lirë dhe demokratik. Ne do të triumfojmë!” shkruan ministri i Jashtëm ukrainas, Dmytro Kuleba, në Twitter, shkruan “CNN”, përcjell albinfo.ch.