AXOS: Kosova humb shumë duke bllokuar shitjen e PTK-së

Budden: "Kosova do të zhdukej për një dekadë a më shumë për çdo investitor ndërkombëtar. Askush nuk do të vijë këtu, sidomos jo nga Gjermania, Anglia apo SHBA-ja”

Pas disa shtyrjeve që qeveria është detyruar të bëjë si pasojë e presionit nga kuvendi, kompania AXOS që është shpallur blerëse e kompanisë kosovare ka dërguar mesazhe drejt qeverisë dhe Kuvendit të Kosovës.

Në një intervistë të dhënë për emisionin interaktiv të KTV-së, Jan Budden, partner menaxhues i kompanisë AXOS, ka thënë se Kosova është ajo që dëmtohet më së shumti me dështimin eventual të marrëveshjes.

“Nuk ka ndonjë zgjidhje më të keqe se kjo. Kosova do të zhdukej për një dekadë a më shumë për çdo investitor ndërkombëtar. Askush nuk do të vijë këtu, sidomos jo nga Gjermania, Anglia apo SHBA-ja”, ka paralajmëruar Budden për KTV. Ai i ka nxitur partitë politike të lënë anash agjendat e tyre dhe të miratojnë shitjen në Kuvend.

Ish-zv/drejtori ekzekutiv në Deutsche Telecom, Budden ka thënë se punëtorët nuk do të largohen nga puna dhe se investimet në PTK do të jenë shumë të mëdha.