BAG: 5,589 të vdekur gjithsej nga koronavirusi në Zvicër

(KEYSTONE/Laurent Gillieron)

BAG në raportin e fundit ka shkruar se numri i vdekjeve është shqetësuese. Deri më tani, që nga fillimi i pandemisë, Zvicra ka 5,589 vdekje nga Covid-19, transmeton albinfo.ch.

Vala e dytë e koronavirusit ka rritur numrin e infektimeve dhe vdekjeve. Ndërkombëtarisht, në raport me numrin e banorëve, Zvicra është në pjesën e sipërme të listave për numrin e të vdekurve, shkruan srf.ch.

Gjithsej deri më sot në Zvicër janë regjistruar 384’557 infektime me koronavirus. Vetëm muaji që shkoj dhe fillimi i muajit dhjetor, sa u përket vdekjeve, ka shënuar më shumë se gjysmën e këtyre vdekjeve nga numri total.

Në 72 orët e fundit në Zvicër janë raportuar 10,726 raste të reja me koronavirus dhe 193 vdekje. /Albinfo.ch