BAG raporton 2205 infeksione të reja dhe 47 vdekje

Mesatarja e 7 ditëve të fundit është kështu 2042 në ditë ose 23 për qind më pak se në javën e kaluar

Zyra Federale e Shëndetit Publik (BAG) ka raportuar në pasditen e sotme 2,205 raste të reja që kanë rezultuar pozitive për virusin corona gjatë 24 orëve të fundit.

Mesatarja e 7 ditëve të fundit është kështu 2042 në ditë ose 23 për qind më pak se në javën e kaluar.

Trendi aktualisht është në rënie, raporton srf.ch.

Shkalla e rasteve pozitive në shtatë ditët e fundit është 11.2 për qind, transmeton albinfo.ch. Krahasuar me javën e kaluar, norma pozitive është ulur me 2 pikë përqindje.

Numri mesatar i testimeve të realizuara gjatë 7 ditëve të kaluara është 21,101 teste në ditë dhe kështu është për 11 për qind më i ulët në krahasim me javën e mëparshme.

BAG raporton po ashtu edhe 47 raste të reja të vdekjeve nga Covid-19 në 24 orët e fundit. Mesatarja 7 ditore është 42 të vdekur në ditë që rezulton 20 për qind më pak se në javën e kaluar.

Aktualisht BAG raporton 1795 persona që po trajtohen në spitale për Covid-19. Kjo shifër është 20 për qind më pak se në javën e kaluar.

Shtretërit e certifikuar të kujdesit intensiv në spitalet zvicerane aktualisht janë 88.0 për qind të shfrtëzuar, përcjell albinfo.ch. Ndërsa nëse përfshihen edhe shtretërit ad hoc (të pacertifikuar), shkalla e shfrytëzimit është 78.0 për qind.

---