BAG raporton 2770 infeksione të reja në 4 ditët e fundit

Gjatë katër ditëve të festës janë regjistruar 13 raste të reja të vdekjeve. Mesatarja 7 ditore është 27 për qind më pak se në javën e kaluar

Zyra Federale e Shëndetit Publik ka raportuar 2770 raste të reja këtë pasdite që kishin rezultuar pozitive për koronavirusin në 4 ditët e fundit. Ky raportim i bërë sot, e martë, vjen pas 4 ditë pushimi për festën e Rrshajve, gjatë të cilave nuk bëhet publikimi i testimeve.

Mesatarja e 7 ditëve të fundit është 1042 ose 7 për qind më pak se në javën e kaluar, shkruan srf.ch.

Incidenca 14-ditore aktualisht është 159.29 ndërsa shkalla mesatare pozitive 7 ditore është 4.2 për qind.

Krahasuar me javën e kaluar, norma pozitive është ulur për 1 pikë të përqindjes.

Numri i testeimeve në 7 ditët e fundit është 28,536 teste në ditë ose 9 për qind krahasuar me javën e mëparshme.

BAG raporton 13 raste të reja të vdekjeve, transmeton albinfo.ch. Mesatarja 7 ditore është 3 të vdekur, ose 27 për qind më pak se në javën e kaluar.

Aktualisht BAG raporton 639 persona që janë duke u trajtuar në spitale për Covid-19. Kjo është 8 për qind më pak se në javën e kaluar.

Shtretërit e kujdesit intensiv të certifikuar në spitalet zvicerane aktualisht janë të zëna 74.0 për qind. Përfshirë shtretërit ad-hoc, niveli i shfrytëzimit është 70.0 për qind, përcjell albinfo.ch. Nga këta, 18 për qind janë të zënë nga të sëmurët nga Covid 19.

---