Banka zvicerane shpallet fajtore për neglizhencë

Gjykata më e lartë zvicerane vendosi se banka “Julius Baer” ka shkelur rregullat e kujdesit të hollësishëm në trajtimin e fondeve që i përkasin partisë në pushtet në ish-Republikën Demokratike Gjermane.

Gjykata Federale urdhëroi që banka me bazë në Cyrih të rimbursojë 97 milionë dollarë, plus interes të përllogaritur për autoritetet gjermane përgjegjëse për privatizimin e bizneseve shtetërore të RDGJ-së, sipas një deklarate të botuar të mërkurën, përcjell albinfo.ch.

Gjyqtarët gjetën fajtor ish-menaxherin e Cantradës për shpërfilljen e rregullave të duhura për shkak të transferimit të aseteve të firmës “Novum” të importit dhe eksportit dhe të menaxherit të saj në bankat zvicerane pas rënies së murit të Berlinit.

Fondet nuk janë gjetur kurrë.

Në prill të vitit 2018, një gjykatë e Apelit të Zyrihut e pastroi “Julius Baerin” nga çdo keqbërje, pas gati katër vjetëve të procedurave ligjore.