Bastiset klubi i kosovarit: Organizonte lojëra ilegale fati

Shefi i këtij klubi, një kosovar 34 vjeçar po dyshohet se në lokalin e tij ka organizuar për muaj të tërë lojëra ilegale fati dhe baste të ndaluara sportive

Në Hünenberg të Kantonit Zug me rastin e një bastisje të bërë në një lokal klubi, policia ka gjetur dhe konfiskuar një  kompjuter që shërbente për vënien e basteve sportive, terminale lojërash si dhe një shumë “katërshifrore” parash, njoftojnë mediat zvicerane.

Shefi i këtij klubi, një kosovar 34 vjeçar po dyshohet se në lokalin e tij ka organizuar për muaj të tërë lojëra ilegale fati dhe baste të ndaluara sportive.

Ai do të përgjigjet para prokurorisë shtetërore dhe para komisionit federal për bankat e lojërave, kanë kumtuar të premten  organet ndjekëse të kantonit të Zugut, transmeton albinfo.ch. Ai ngarkohet për shkelje të ligjit federal mbi lotarinë dhe për organizim bastesh në “bazë profesionale”, për shkelje të ligjit mbi lojërat e fatit dhe ligjit për të huajt.

Në këtë bastisje është arrestuar një shtetase serbe 27 vjeçare, e cila nuk kishte leje pune. Ajo është dënuar me procedurë të shkurtër me një dënim në të holla me kusht ndërsa Zyra për Migracion do të dëbohet nga Zvicra si dhe do t`i shqiptohet një ndalesë e hyrjes në Zvicër për tri vitet e ardhshme.