BE dërgon përforcime ajrore për të ndihmuar Francën në përballjen me zjarret

Ilustrim

Bashkimi Evropian ka vendosur të rrisë mbështetjen për Francën në luftën kundër zjarreve masive që kanë përfshirë zonën e Girondes.

Komisionerja Evropiane për Menaxhimin e Krizave, Hadja Lahbib, ka njoftuar se BE-ja do të dërgojë avionë shtesë nga rezerva strategjike evropiane për të ndihmuar ekipet në terren.

Sipas saj, aktualisht në operacion janë të angazhuar nëntë avionë, ndërsa numri i tyre pritet të rritet në 11 gjatë ditës së ardhshme.

“Është një garë me kohën. Ekipet tona po punojnë intensivisht në terren për të përballuar situatën”, ka deklaruar Lahbib.

Mbështetja evropiane synon të forcojë përpjekjet e autoriteteve franceze për kontrollimin e flakëve dhe mbrojtjen e zonave të prekura.