BE mund të përballet sërish me refugjatë

Zëvendëspresidenti i Komisionit Europian Margaritis Schinas ka paralajmëruar se përshkallëzimi i mëtejshëm i konfliktit në Ukrainë jo vetëm që mund të krijojë një “kërcënim të madh për sigurinë europiane”, por gjithashtu mund të nxisë një lëvizje të madhe refugjatësh në Bashkimin Europian.

“Vlerësohet se nga 20 mijë deri në një milion refugjatë mund të vijnë”, tha ai për DW.

Ky nuk është paralajmërimi i parë që kemi pasur se konflikti mund të shkaktojë një rritje të njerëzve që largohen nga shtëpitë e tyre.
Ministrat polakë u kanë kërkuar udhëheqësve rajonalë që të përgatisin strehim urgjent për çdo rast.

Pushtimi rus i Krimesë në vitin 2014 dhe lufta pasuese në lindje sipas Bb kanë lënë tashmë 1.5 milionë ukrainas të zhvendosur brenda vendit.
Schinas paralajmëron gjithashtu se refugjatët mund të përdoren për të ushtruar presion ndaj BE-së, ashtu siç u përdorën nga Bjellorusia në fund të vitit 2021.