BE-së “i soset durimi” në raport me Zvicrën

Kërkohet një përshtatje e Zvicrës me sistemin e drejtësisë të BE-së dhe themelimi i një gjykate për zgjidhjen e konflikteve në mes tyre

Siç mund të kuptohet prej një raporti nga Brukseli që merret me qëndrimin e BE-së ndaj Zvicrës, BE ka „mbërritur në kufijtë e durimit” sa u përket marrëdhënieve bilaterale me Zvicrën, njofton transmetuesi publik SF.

Problemet e identifikuara në këtë raport kanë të bëjnë kryesisht me garën e tatimeve që zhvillohet në Zvicër në mes të kantoneve , me zbatimin e lirisë së lëvizjes në mes të Zvicrës dhe BE-së etj.

Ambasadori i Bashkimit Evropian në Zvicër Michael Reiterer, duke identifikuar disa nga problemet që ka BE me Zvicrën, është angazhuar veç tjerash për një përshtatje më efikase të Zvicrës me sistemin e drejtësisë të BE-së si dhe për themelimin e një gjykate për zgjidhjen e konflikteve në mes tyre.