BE-ja shqyrton alternativat për kufizimin e rritjes së çmimeve të energjisë

Kriza energjetike ka nxitur Bashkimi Evropian të përgatitisë plane emergjente për të kufizuar rritjen e çmimeve të energjisë.

Janë duke u analizuar edhe mundësitë e ndarjes së çmimeve të energjisë nga çmimet në rritje të gazit, por edhe reforma të tjera afatgjata, me qëllim të sigurimit që çmimet e energjisë reflektojnë energji të ripërtërishme më të lirë.

Kjo pritet të ndodhë pasi ministrat e Energjisë nga vendet e BE-së, sipas Reuters, do të takohen më 9 shtator për të diskutuar si të menaxhojnë situatën me çmimet në rritje të energjisë, transmeton Albinfo.ch.

Çmimet e energjisë në Evropë janë rritur prej vitit të kaluar, por rritja më e madhe është vërejtur pas luftës së Rusisë në Ukrainë, periudhë kur Rusia ka kufizuar furnizimet me gaz në kontinent.

Qeveritë evropiane kanë akuzuar Moskën se po përdor energjinë për të shantazhuar Perëndimin, i cili ka sanksionuar Rusinë, pas nisjes së luftës.

Gjiganti rus, Gazprom, ka thënë se ndërprerja e furnizimit është pasojë e sanksioneve të Perëndimit dhe çështjeve të tjera teknike.

---