BE synon uljen e konsumit të energjisë.për 10 përqind, masat që do të aprovohen më 9 shtator

Mungesat në prodhimin e energjisë elektrike nga këto burime po nxisin kërkesën për gaz.

Shtetet anëtare kanë miratuar tashmë masa të ndryshme në nivel kombëtar, por me përkeqësimin e situatës së tregut, po bëhen thirrje për zbatimin e shpejtë të zgjidhjeve në të gjithë BE-në.

Projektpropozimi synon të ulë konsumin e energjisë elektrike me 10 për qind në muaj dhe thekson se BE do të aplikojë një kufi të të ardhurave prej 200 euro për megavat orë, mbi çmimin që marrin për energjinë elektrike gjeneruesit pa gaz.

Ky kufi çmimi do të rivendoste të ardhurat e tepërta, të cilat do të ndikonin drejtpërdrejt në çmimet në tregun evropian të energjisë elektrike, të cilat pritet të jenë më të ulëta se ato aktuale.

Qëllimi është gjithashtu rritja e të ardhurave për shtetet që duan të subvencionojnë masat mbrojtëse për konsumatorët e tyre kundër rritjes së faturave.

Të mërkurën, presidentja e Komisionit Evropian, Ursula von der Leyen, propozoi një kufizim në çmimet që Evropa do t’i paguajë Rusisë për gazin, por ende nuk dihet se cili është çmimi, transmeton Euronews, përcjell Albinfo.ch.

Ministrat e energjisë të BE-së do të diskutojnë këto masa në një samit në Bruksel më 9 shtator.

Kapaciteti i prodhimit të energjisë elektrike në BE është dukshëm më i ulët se zakonisht, sidomos për shkak të mungesës së energjisë bërthamore në disa shtete anëtare, reduktimit të prodhimit të hidrocentraleve evropiane, nivelit të ulët të ujit të Rinit dhe lumenjve të tjerë që ndikojnë në transportin e qymyrit dhe efekteve të pafavorshme të erës.

 

---