BE tani importon më shumë gaz nga SHBA-ja se sa nga Rusia

(KEYSTONE/AP Photo/Sergei Chuzavkov)

Reduktimi i importit të gazit rus nga Evropa ka krijuar histori, duke bërë që për herë të parë Bashkimi Evropian të importojë më shumë gaz nga SHBA-ja se sa nga Rusia.

Kështu deklaroi për mediat ndërkombëtare Fatih Birol, drejtor ekzekutiv i Agjencisë Ndërkombëtare të Energjisë, transmeton Albinfo.ch.

“Rënia e ofertës ruse kërkon përpjekje për të ulur kërkesën e BE-së dhe për t’u përgatitur për një dimër të ashpër”, theksoi  ai.
Linjat e gazsjellësit “Nord Stream” do të mbyllen nga 11 deri më 21 korrik, tha operatori, duke deklaruar se ndërprerja është për shkak të mirëmbajtjes.

“Nga 11 deri më 21 korrik 2022, kompania ‘Nord Stream Ag’ do të kryejë një mbyllje të përkohshme të të dy tubacioneve të ‘Nord Stream’ për të kryer punët e planifikuara të mirëmbajtjes, duke përfshirë testet e komponentëve mekanikë dhe sistemeve të automatizimit për të siguruar funksionimin efektiv, të sigurt dhe të besueshëm të gazsjellësit”, bëhet e ditur nga ”Nord Stream Ag”.