Behrami: Neymar vetëm shtrihej në fushë

Ai gjatë gjithë kohës ishte i shtrirë në fushë. Nëse e prek pak rrëzohet dhe bën që të duket si diçka e rëndë. Diçka shumë e keqe, sepse është një lojtar i madh, nga më të mirët në futboll”, shtoi tutje mesfushori shqiptar

Keystone

Mesfushori shqiptar, Valon Behrami, ka zhvilluar një lojë të jashtëzakonshme ndaj Brazilit dhe Neymarit, futbollistit, i cili konsiderohet si një nga më të mirët në planet.

Por, ai në një intervistë për ‘Blick’ është shprehur shumë modest, përcjell albinfo.ch. “Unë kam bërë punën time dhe arritëm që të marrim rezultat pozitiv”, është shprehur në fillim Behrami.

Ai foli edhe për duelin me Neymarin. “Ai gjatë gjithë kohës ishte i shtrirë në fushë. Nëse e prek pak rrëzohet dhe bën që të duket si diçka e rëndë. Diçka shumë e keqe, sepse është një lojtar i madh, nga më të mirët në futboll”, shtoi tutje mesfushori shqiptar.

Behrami njihet si një luftëtar i madh në fushë. “Kur bën një faull, nuk do të thotë se gjithmonë lojtari kundërshtar dëmtohet. Loja vazhdon. Unë këtë stil loje kam, këtë mentalitet, ndryshe nga Neymar”, theksoi Behrami.

Ai mbetet në dyshim për ndeshjen ndaj Serbisë. “Kisha probleme muskulore. Shpresoj të jem ndaj Serbisë. Jam 33 vjeç dhe kam nevojë për të paktën dy ditë pushim. Ndeshja me Serbinë do të jetë shumë e rëndësishme. Shpresoj të luaj dhe të fitojmë”, u shpreh Behrami.