Bekim Çollaku shpërblehet për heroizëm në Danimarkë

Çollaku me origjinë Kaçaniku figuron në mesin e dhjetë personave në Danimarkë, që gjatë vitit 2014 kanë bërë vepra heroike

Fondi “Carneges” në Danimarkë ka shperblyer  për heroizëm mërgimtarin nga Kosova që jeton në Danimarkë, Bekim Çollaku

Çollaku figuron në mesin e dhjetë personave në Danimarkë, që gjatë vitit 2014 kanë bërë vepra heroike.

Çollaku me origjinë nga Kaçaniku është shpërblyer me 20 mijë kruna daneze (2 mijë e 600 euro).

Në faqen zyrtare të fondit shpërblyes Carneges thuhet se më 11 gusht 2014, ditë e hënë, Bekimi ishte në vozitje e sipër me automobilin e tij në rrugën Mågevej dhe Tornsagervej, në pjesën veriperëndimore të Kopenhagës, kur ai pa një njeri që ishte mbërthyer mbi një grua duke e therur atë në kokë dhe në qafë me një thikë kuzhine. Pranë gruas ishte i shtrirë edhe një fëmijë po ashtu i therur me thikë”, thuhet në këtë përshkrim të faqes zyrtare transmetonë mediat në Prishtinë.

Më tej thuhet se “Bekim Çallaku, ndalon automobilin e tij del dhe vrapon në drejtim të njeriut për ta ndalë në sulmin mbi gruan. Fillon kacafytja dhe njeriu fillon ta sulmojë edhe Bekimin me thikë. Bekimi mbizotëron mbi njeriun e armatosur me thikë duke e goditur atë. E gjitha përfundoi me sukses falë arritjes së ndihmës së dëshmitarëve dhe policisë”.

Bekim Çollaku, I cili jeton në Herlev të Danimarkës ka vendosur që parat e fituara nga shpërblimi t’ua shpërndajë mbi 50 familjeve në gjendje të rëndë ekonomike-sociale në vendlindjen e tij, në Kaçanik, me nga një shportë ushqimore me vlerë prej 50 euro.