Bekim Jashari sërish do të kandidojë për kryetar të Skenderajt

Në një intervistë nga mediat kosovare, kryetari aktual i Komunës së Skenderajt, Bekim Jashari, ka bërë të ditur se do të garojë sërish edhe për një mandat për kryetar të kësaj komune, transmeton albinfo.ch.

Gjatë intervistës ai deklaroi se është në dorën e qytetarëve që të vendosin nëse ai do të ketë edhe një mandat, transmeton Telegrafi.

“Tashmë e kam konfirmuar se do të jem kandidat edhe për një mandat për kryetar të Skenderajt, se a do të kem edhe një mandat, është në dorën e qytetarëve”, u shpreh ai në Kanal 10.

Kujtojmë se Bekim Jashari është djali i heroit të vendit, Hamëz Jashari. Ai kishte vendosur të kandidojë për kryetar të Skenderaj gjatë vitit 2017, pasi që një gjë të tillë ia kishin kërkuar bashkëvendësit e tij përmes një peticioni që ata kishin organizuar.

Zgjedhjet lokale pritet të mbahen në vjeshtë të këtij viti.