Gjermani: Kërkohet bllokim më i rreptë për të frenuar pandeminë

Berlini dëshiron të mbyllë dyqanet dhe të zgjasë pushimet e Krishtlindjeve për t’u përpjekur të marrë nën kontroll pandeminë e koronavirusit, tha të enjten kryetari i Bashkisë së kryeqytetit gjerman, ndërsa vendi raportoi një numër të ri rekord të rasteve të COVID-19.

Michael Mueller tha se ai do të kërkonte miratimin e Parlamentit të martën e ardhshme për të mbyllur dyqanet, përveç supermarketeve, deri më 10 janar, dhe gjithashtu për të zgjatur pushimin e shkollës deri në atë datë ose për të vendosur mësimet në internet për një javë.

Rastet e koronavirusit në Gjermani u rritën me 23,679 të enjten, në 1,242,203, duke vendosur një rritje të re rekord ditore, ndërsa numri i të vdekurve u rrit në 20,372, sipas të dhënave nga Instituti Robert Koch, shkruan “Reuters”, përcjell albinfo.ch.