Bernardin Jakaj gjunjëzon kundërshtarin në rundin e parë!

Në një intervistë ekskluzive për Albinfo, Bernardin Jakaj u shpreh shumë i lumtur që arriti ti gëzoj tifozët e tij me një fitore bindëse

Bernardin Jakaj vazhdon të triumfojë në boksin profesionist. Ai në mbrëmjen e 10 nëntorit, ishte i jashtëzakonshëm në duelin e tij të radhës.

Qendra sportive BFIT në Quartino, kishte kapacitet të pamjaftueshëm për gjithë ata tifozë shqiptarë që kishin ardhur në përkrahje të djaloshit gjakovar, përcjell albinfo.ch.

Për 21-vjeçarin shqiptaro-austriak ishte hera e parë që boksoi në Zvicër, pavarësisht që jeton në Vjenë, ai u bë të ndihet si vendas nga atmosfera e krijuar nga tifozët e tij aty.

Pas fitores i rrinte edhe më bukur në kraharor shqiponja dykrenare, nga brohoritjet e shumta të tifozëve, duke e përkrahë atë me meritë!

Që në minutën e parë të duelit u vërejt se Jakaj ishte kategori në vete kundrejt boksierit 31-vjeçar nga Franca, Matiouze Royer, realisht nga ky duel u prit të jetë një luftë më e barabartë mes dy kundërshtarëve, duke marrë parasysh edhe faktin se boksieri francez ka një përvojë shumëvjeçare në karrierën e tij sportive.

Ky fakt nuk i bëri përshtypje boksierit shqiptar aspak, ai doli në ring shumë i përgatitur, gjunjëzoi tre herë me nokaut kundërshtarin brenda një kohe të shkurtë dhe triumfoi në rundin e parë.

Përpjekja e kundërshtarit për rezistencë ishte e kot, ai dështojë t’i qëndrojë goditjeve të forta që mori nga Jakaj.

Guximin dha maksimumin e tij, Bernardin Jakaj e shfaqi që në çastet e para të duelit dhe ai dëshmoi se suksesi në këtë ballafaqim nuk ishte rastësi, dhe tregoi me këtë rast se talenti i tij ka një perspektivë të ndritshme në këtë sport!

Kjo fitore me plot meritë e Bernardin Jakaj ishte një shpërblim i mundit dhe sakrificës së tij, gjithashtu një dëshmi dhe fryt i punës së shkëlqyer të stafit menaxhues dhe asaj që bën trajneri i tij në përgatitjet të vazhdueshme të këtij talenti.

Në një intervistë ekskluzive për Albinfo, Bernardin Jakaj u shpreh shumë i lumtur që arriti ti gëzoj tifozët e tij me një fitore bindëse, gjithashtu ai falënderon tifozët dhe gjithë ata që e mbështetën në këtë mbrëmje, si de sponsorët.

---