Bernë: Policia shpërndan tubimin e kundërshtarëve të masave të koronës

Ndaj 60 vetave u bënë kallëzime penale, ka njoftuar policia e kantonit të Bernës përmes Twitterit, pas tubimit

Policia e kantonit të Berneës ka shpërndarë një tubim të paautorizuar nga kundërshtarët e masave të koronavirusit, raporton srf.ch.

Tubimi protestues po mbahej të pasditen e sotme, (e shtunë) në sheshin Bundesplatz, para ndërtesës së Pallatit Federal.

Pjesëmarrësit të cilët nuk e respektuan kërkesën e policisë për të lëshuar vendin e tubimit, u kontrolluan nga policia.

Ndaj 60 vetave u bënë kallëzime penale, ka njoftuar policia e kantonit të Bernës përmes Twitterit, pas tubimit, transmeton albinfo.ch.

Rreth njëqind njerëz i janë përgjigjur një thirrje të përhapur në mediat sociale për të demonstruar për një “fund të të gjitha masave të pabazuara”, siç thuhej në thirrje.

Shumica e pjesëmarrësve në miting nuk kishin maska ​​mbrojtëse të fytyrës.

---