Biden nënshkruan urdhrin që përshpejton procesin e dërgimit të armëve në Ukrainë

Joe Biden lehtësoi të hënën përshpejtimin e dërgesave të armëve amerikane në Ukrainë përmes një ligji të bazuar me rastin e Luftës së Dytë Botërore që ndihmoi aleatët amerikanë të mposhtin Gjermaninë naziste.

Presidenti amerikan nënshkroi Aktin e huadhënies në Zyrën Ovale në Shtëpinë e Bardhë, në Uashington, duke thënë se SHBA-ja mbështet “luftën e ukrainasve për të mbrojtur vendin dhe demokracinë e tyre kundër luftës brutale të Putinit”.

Duke pranuar se tashmë janë shpenzuar miliarda dollarë nga Shtetet e Bashkuara, Biden tha se “përkujdesja ndaj agresionit është edhe më e kushtueshme”.

Akti i huadhënies, që thjeshton rrjedhën e pajisjeve ushtarake, “bazohet në një program të epokës së Luftës së Dytë Botërore për të ndihmuar Evropën t’i rezistojë Hitlerit”, njoftoi Shtëpia e Bardhë.

Presidenti vuri në dukje se ai po nënshkruante aktin një ditë pasi Shtetet e Bashkuara dhe Evropa Perëndimore shënuan Ditën e Fitores në Evropë dhe humbjen e Gjermanisë së Adolf Hitlerit në vitin 1945.

Ai gjithashtu nënvizoi se e hëna shënoi përvjetorin e 9 majit – Dita e Evropës, e cila shënon themelimin e Bashkimit Evropian në vitin 1950 dhe krijimin e një “fuqie ekonomike” dhe “forcë globale për paqen”.