Lajme

Bilanci i pandemisë: Mbi 1.3 milionë viktima në botë

E shtunë, 14 Nëntor 2020 - 23:30 albinfo.ch
Foto: Ministria e Shëndetësisë e Kosovës

Më shumë se 1.3 milionë njerëz kanë humbur jetën nga koronavirusi i ri në gjithë botën, sipas të dhënave nga burime zyrtare të mbledhura nga AFP, përcjell Albinfo.ch.

Në total, ka të paktën 1.303.783 viktima për 53.380.442 raste të deklaruara të Covid 19, edhe pse ekspertët thonë se të dhënat zyrtare ka gjasa të përfshijnë vetëm një fraksion të numrit total të infektimeve dhe viktimave. Rastet e reja dhe numri i viktimave po rritet sërish, ndërsa një valë e dytë infektimesh ka prekur Evropën dhe Shtetet e Bashkuara.

Pothuajse një në pesë viktima është regjistruar në SHBA, ndërsa Brazili është vendi i dytë më i prekur në botë, i ndjekur nga India, Meksika dhe Britania e Madhe. Bota ndërkohë i është gëzuar këtë javë lajmit për një avancim të madh në kërkimet për vaksinën kundër koronavirusit, por një ekspert i OBSH-së paralajmëroi se keqinformimi dhe mosbesimi i publikut do t’i bënte vaksinat të padobishme.

SHBA raportoi më shumë se 184 mijë raste të reja koronavirusi të premten, shifër kjo më e larta që nga fillimi i pandemisë, dhe 1431 viktima. Në total, SHBA ka mbi 10.7 milionë raste koronavirusi dhe 244 mijë viktima. Ndërkohë në gjithë vendin, vetëm të premten u shtruan në spital mbi 68 mijë të prekur nga koronavirusi.

 Të tjera nga Lajme

Dega e VW, Skoda, tërheq më shumë se një milion automjete

 E-Diaspora

 Jeta në Gjermani