Birra do të jetë më e shtrenjtë në Zvicër

Kjo për shkak se Ukraina është një prodhues i rëndësishëm i elbit,

Një tjetër mall i konsumit thelbësor (për disa) do të bëhet më i shtrenjtë, njofton albinfo.ch.

Tashmë e dimë se kostot e energjisë dhe çmimet e disa ushqimeve janë rritur ose pritet të rriten në të ardhmen e afërt.

Tani kemi marrë lajmin se edhe birra mund të bëhet më e shtrenjtë.

Kjo për shkak se Ukraina është një prodhues i rëndësishëm i elbit, një lëndë e parë bazë që përdoret në prodhimin e birrës, sipas Marcel Kerber, drejtor i Shoqatës Zvicerane të Birrarisë (SBA).

Dhe sa shpejt do të rriten çmimet, varet nga evolucioni i kostove të energjisë, të cilat, nga ana tjetër, përcaktohen nga sa do të vazhdojë lufta në Ukrainë.

Lajmi i mirë, nëse mund të gjendet në situatën aktuale, është se nuk ka mungesë të afërt të lëndëve të para, pasi fabrikat e birrës operojnë me kontrata furnizimi afatgjata, tha Kerber. /Albinfo.ch

 

---