Bislimi: Kosova s’ka pranuar të shantazhohet për heqjen e masave

Besnik Bislimi

Zëvendëskryeministri për Integrime Evropiane dhe dialog, Besnik Bislimi, ka thënë se nuk dëshiron të spekulojë nëse Kosovës do t’i hiqen masat ndëshkuese, në mbledhjen e sotme të Komitetit Politik dhe të Sigurisë (PSC).

Por, gjatë raportimit të tij në Komisionin për Integrime Evropiane ka thënë se vendosja e masave ka qenë e padrejtë dhe mbi të gjitha ka vlerësime se ka pasur shkelje ligjore gjatë vendosjes së tyre.

Ai ka deklaruar se Kosova ka plotësuar të gjitha kriteret për largimin e masave, megjithëse ka shtuar se ka pasur kërkesa nga vendet anëtare që kanë kërkuar koncensione shtesë, “por Kosova s’ka pranuar të shantazhohet”./KP