Bllokohen miliona tonë drithëra në Ukrainë

Eksportimi i ushqimit është jashtëzakonisht i vështirë pasi portet dhe rrugët detare të Ukrainës janë të paarritshme për shkak të pushtimit rus.

Kombet e Bashkuara kanë paralajmëruar se lufta në Ukrainë po ndikon në aftësinë e saj për të ofruar ndihma ushqimore emergjente në vendet anembanë botës, pasi pjesa më e madhe e tyre është bllokuar në portet e Ukrainës.

“Aktualisht, pothuajse 4.5 milionë tonë drithëra janë bllokuar në portet dhe anijet e Ukrainës dhe nuk mund të përdoren”, tha drejtori i Programit Botëror të Ushqimit të Kombeve të Bashkuara (WFP) në Gjermani, Martin Frick.

Deri në fillimin e luftës, Ukraina ishte një nga prodhuesit më të rëndësishëm në botë të grurit dhe misrit.

Shumë vende varen nga gruri i lirë i Ukrainës. Drithërat janë gjithashtu thelbësore për ndihmën globale ushqimore. “Ushqimi i Ukrainës është i nevojshëm në botë”, tha Frick.

Ai shtoi se WFP deri më tani ka ofruar ndihmë ushqimore për rreth 2.5 milionë ukrainas, shumica e tyre në Ukrainë dhe disa qindra mijëra në Moldavi.

---