Bomba e 38, nxori skandalet e BDI-së

Zoran Zaev i LSDM-së, pëlciti bombën e radhës. Ai sot nxori bizneset dhe pazaret e Ali Ahmetit dhe BDI-së

Lideri i opozitës maqedonas, Zoran Zaev kryetar i LSDM-së, publikoi bombën e 38-të ku nxori skandale korruptive të Bashkimit Demokratik për Integrim të Ali Ahmetit. Sipas këtyre përgjimeve, Ali Ahmeti dhe partia e tij është edhe lidhur me skandale korruptive dhe kriminale.

“Me përgjimet që po publikojmë sot vazhdojmë të zbulojmë fytyrën e vërtetë të kreut të BDI-së. Gruevski nuk ka bërë asgjë pa pasur dijeni edhe partneri i tij i koalicionit. Përmes njerëzve të besueshëm në rastin konkret bëhet fjalë për kryetarin e degës së BDI-së në Çair, Ahmeti ndërmjetëson tek një biznesmenë që ti shitet një tokë prej 1 mijë metrave katrorë”, theksoi Zaev, citon INA.

Sipas Zaev, BDI e ka ditur mirë se përgjohen bisedat e tyre, andaj kanë pasur kujdes gjatë bisedave telefonike. BDI është paria shqiptare që ka qenë gjatë gjithë viteve në koalicion me VMRO DPMNE të Nikola Gruevskit.