Bora shkakton vonesa në aeroportin e Prishtinës

Vonesa ka pasur në fluturime të ndryshme në Aeroportin Ndërkombëtar të Prishtinës, por ai momentalisht është i hapur për aterim.

Megjithëse, sipas zyrtarëve të ANP-së, kushtet e rënda atmosferike mund të shkaktojnë problem në orët dhe ditët në vazhdim, përcjell albinfo.ch

Zëdhënësi i aeroporti “Adem Jashari”, Unidon Krasniqi, tha se për të enjten kanë qenë të planifikuara 18 fluturime në arritje dhe 17 në nisje dhe asnjëra nuk është anuluar. Sipas tij, kushtet e rënda atmosferike kanë ndikuar që në disa prej këtyre fluturimeve të ketë vonesa, por jo anulim të tërësishëm. Krasniqi ka potencuar se nëse reshjet do të vazhdojnë me një intensitet të tillë, mund të ketë probleme në dukshmërinë e aterimeve.