Britani: Takohen profesionistët dhe studentët shqiptarë

UKAP/Fb

Me qëllim të rritjes dhe bashkëpunimit mes profesionistëve, sipërmarrësve dhe studentëve shqiptarë në Mbretërinë e Bashkuar, Rrjeti i Profesionistëve Shqiptarë në Britani (UKAP) ka mbajtur takimin e radhës, përcjell albinfo.ch.

“UKAP zhvilloi dje eventin ‘UKAP Summer Networking’. Falënderojmë të gjithë profesionistët, sipërmarresit dhe studentët shqiptarë që ishin të pranishëm dhe krijuan një atmosferë shumë të këndshme dhe të frytshme networking. Organizatorët mbajtën fjalën hyrëse dhe takimi u zhvillua në një format të lirë, ku pjesëmarrësit u takuan për të krijuar kontakte të reja profesionale, për të ndarë eksperienca, histori suksesi, sfida dhe këshilla karriere”, thuhet në njoftim.

Ky është takimi i dytë i organizuar këtë vit, nga katër takime të tilla që mbahen nga UKAP në vit. Takimi i radhes ‘Autumn networking’ do të mbahet në muajin shtator.