Britania eksperimenton javën me vetëm 4 ditë punë

Foto ilustrim: Alex Kotliarskyi

Në Mbretërinë e Bashkuar do të testohet mundësia që punonjësit të punojnë një ditë më pak në javë.

Punonjësit do të punojnë 32 orë, në vetëm 4 ditë në javë, pa ndryshime në pagë.

Ky është një projekt pilot që do të nisë në qershor dhe do të zgjasë 6 muaj.

Projekti do të studiojë ndikimin e këtij ndryshimi në mirëqenien e punonjësve dhe në produktivitetin e kompanisë.

Nisma është ideuar nga organizata 4 Day Week Global, dhe tashmë është provuar edhe në Islandë me 2500 punonjës.

Rezultatet treguan se produktiviteti dhe shërbimi mbeti nuk u përkeqësua dhe në disa raste u përmirësua.

Kompania teknologjike Microsoft bëri një eksperiment të ngjashëm në vitin 2019.

Punonjësve iu shkurtua puna në 4 ditë në javë dhe rezultatet ishin pozitive.

Sipas kompanisë, produktiviteti i punës u rrit me 40%.

Po ashtu pati kursim të energjisë elektrike dhe letrës së përdorur.

Ky program pilot i 4 ditëve të punës në javë, po aplikohet aktualisht në Spanjë dhe Skoci.

Ndërkohe që pritet të implementohet në SHBA, Irlandë, Kanada, Australi dhe Zelandë të Re.