Lajme

Britania nuk e ka problem të dalë nga BE-ja edhe pa marrëveshje

E diel, 6 Dhjetor 2020 - 22:25 albinfo.ch

Ministri britanik i Bujqësisë ka paralajmëruar se Mbretëria e Bashkuar është e gatshme të finalizojë Brexitin pa marrëveshje përfundimtare për të ardhmen e marrëdhënieve tregtare me Bashkimin Evropian.

Qeveria ka njoftuar se mund të finalizohet procesi edhe nëse palët nuk ia dalin të arrijnë gjuhë të përbashkët kur nuk kanë mbetur as edhe katër javë nga afati i fundit.

Bisedimet ndërmjet David Frostit dhe përfaqësuesve të Brukselit zyrtar u ndërprenë të shtunën pas dështimit të negociatave. Në një komunikatë të përbashkët, kryeministri Boris Johnson dhe presidentja e Komisionit Evropian, Ursula von der Lejen, kanë thënë se duhet të bëhet edhe një përpjekje për të provuar të kapërcehen dallimet ndërmjet BE-së dhe Britanisë.