Britania ofron shpërblime me para për ata që strehojnë refugjatë ukrainas

(KEYSTONE/EPA/ROMAN PILIPEY)

Qeveria britanike po përgatit një skemë të re e cila do t’iu ofrojë 467 dollarë në muaj çdo rezidenti në Britani që hap dyert e shtëpisë së tij për refugjatët e larguar nga lufta në Ukrainë.

Sipas ministrit Michael Gove, pjesë e skemës së quajtur “Shtëpi për Ukrainën” mund të bëhen të gjithë ukrainasit, pa pasur një limit për përfituesit, raporton Cnn, përcjell Albinfo.ch.

Ai shton se refugjatët që mbërrijnë në Britani do të kenë akses të pakufizuar në të gjitha shërbimet, shëndetësi dhe punësim.

Sipas Gove, mikpritësi duhet të sigurojë akomodim për ukrainasit për minimumin 6 muaj dhe shpesh herë do të kontrollohet nëse i plotëson kushtet.