Bullgaria ratifikoi protokollin për Maqedoninë në NATO

Parlamenti i Bullgarisë ka ratifikuar protokollin për anëtarësimin e Maqedonisë së Veriut në NATO. Për ratifikimin votuan 140 deputetë. 

Në seancën plenare, në të cilën mori pjesë edhe kryetari i Kuvendit të  Maqedonisë së Veriut, Talat Xhaferi, fjalim pati edhe zëvendësministrja, njëherësh ministrja e Punëve të Jashtme e Bullgarisë, Ekaterina Zaharieva, e cila tha se momenti i bashkimit të Maqedonisë së Veriut në NATO është historik për Aleancën. 

“Bullgaria është mbështetëse e përhershme për hyrjen e Maqedonisë së Veriut në NATO. Bullgaria e pranoi angazhimin të punojë në përforcimin e procesit për integrimin euroatlantik të vendit si edhe për reforma të brendshme dhe për stabilizimin e rajonit”, tha Zaharieva, përcjell albinfo.ch.

Bullgaria, shtoi ajo, do të vazhdojë ta ndihmojë procesin e reformave të brendshme në Maqedoninë e Veriut, të cilat janë të domosdoshme për marrjen e anëtarësimit.