Burgoset Marsela Kreka, shpërndante kokainë në Britani

Marsela Kreka, e njohur edhe si Maria Danciu, 28-vjeçe, është arrestuar në Angli e dyshuar se është përfshirë në furnizimin me shumicë të lëndëve narkotike.

Ajo është arrestuar pasi u kap me një kg kokainë në makinën e saj. Ndërsa policia thotë se kishte dëshmi që ajo ishte e përfshirë në trafikun e drogës që nga maji i vitit 2016.

Adrian Flasher nga CPS ka thënë se Marsela Kreka ishte pjesë e një grupi të krimit të organizuar, të përfshirë në furnizimin e sasive të mëdha të kokainës, përcjell albinfo.ch.

“Zyra e Prokurorit punon ngushtë me policinë, Agjencinë Kombëtare të Krimit dhe partnerë të tjerë që të identifikojë ata që mashtrojnë, duke pretenduar se janë trafikuar në mënyrë që të mos përballen me ligjin dhe në të njëjtën kohë duke siguruar që viktimat e vërteta të trafikimit të marrin mbrojtjen që u siguron ligji”, tha Flasher, transmeton televizioni oranews.