Burim Dauti, fiton vend në Këshillin komunal në Ternitz

Burim Dauti ka fituar kandidaturën e tij në zgjedhjet lokale në Austri. për Këshillin komunal në Ternitz, shkruan Albinfo.at.

Vlen të theksohet se Dauti është fituesi nga radhët e partisë SPÖ.

Burim Dauti është shqiptar nga Gostivari, i cili jeton dhe vepron në Austri. Ai që nga fillimi i shpalljes së kandidaturës së tij për Këshillin komuanl tregoj potencial dhe përgaditje të plotë në fushën politike komunale.

“Kam nderin ta konfirmoj zgjedhjen time si këshilltar komunal në Ternitz.  Jam shumë krenar për këtë arritje dhe e shoh si një përgjegjësi të madhe për të përfaqësuar bashkatdhetarët tanë dhe të gjithë qytetarët e Ternitz-it.  Jam veçanërisht mirënjohës që jam pjesë e ekipit të kryetarit të bashkisë, Christian Samwald, i cili më ka dhënë besimin dhe mbështetjen e tij. Ky sukses nuk është vetëm i imi, por edhe i të gjithë atyre që besuan tek unë. Me përkushtim të plotë, do të angazhohem për të sjellë ndryshime pozitive në komunitetin tonë”, është shprehur ai për Albinfo.at.

Kujtojmë se zgjedhjet janë mbajt më 26 janar në rajonin e Austrisë së Ulët.