Buxheti i ushtrisë zvicerane pritet të rritet në shtatë miliardë CHF

Me rritjen graduale e buxhetit, më së voni deri në vitin 2030 duhet të arrihet që për ushtrinë të ndahet të paktën një për qind e prodhimit të brendshëm bruto të Zvicrës, respektivisht 7 miliardë franga

Komisioni i Politikës së Sigurisë në Dhomën Nacionale të Parlamentit të Zvicrës ka kërkuar rritjen e shpenzimeve për ushtrinë. Pretendimi justifikohet me atë që thuhet se trupat janë të pajisura dhe aftësuara në mënyrë të pamjaftushme, transmeton albinfo.ch.

Komisioni në fjalë (SiK-N) ka kërkuar që, në dritën e konfliktit në Ukrainë, të ketë rritje të shpenzimeve të ushtrisë nga viti 2023. Kjo u miratua në mbledhjen e mbajtur të martën me 13 vota pro dhe 9 kundër kundër, shkruan srf.ch.

Me rritjen graduale e buxhetit, më së voni deri në vitin 2030 duhet të arrihet që për ushtrinë të ndahet të paktën një për qind e prodhimit të brendshëm bruto të Zvicrës. Kjo do të korrespondonte me një buxhet ushtarak prej rreth shtatë miliardë frangash.

Siç shkruan Sik-N në një njoftim për media, ushtria po përballet me sfida të mëdha në kontekst të situatës aktuale gjeopolitike, përcjell albinfo.ch. Prandaj, shumica e Komisionit është e mendimit se edhe shpenzimet për ushtrinë duhet të rriten.

Në fund të fundit, “shpenzimet janë shkurtuar prej vitesh”, prandaj modernizimi i ushtrisë është bërë në masë të pamjaftueshme dhe po ashtu formacionet e trupave janë të pamjaftueshme.

Anëtarët e komisionit nga SVP, FDP dhe Mitte kanë votuar pro rritjes së buxhetit, ndërsa PS dhe të Gjelbrit kanë kërkuar që çdo rritje e shpenzimeve të ushtrisë të diskutohet në një kontekst më të gjerë.

---