Cassis: Zvicra është neutrale, por nuk mund të jetë indiferente

“Detyrimet tona për neutralitetin ligjor nuk nënkuptojnë indiferencë ndaj shkeljeve flagrante të ligjit ndërkombëtar..."

Në konferencën e rindërtimit për Ukrainën që po mbahet në Berlin, Presidenti Ignazio Cassis promovoi Zvicrën si një partner të besueshëm, transmeton albinfo.ch.

“Ne po përqendrojmë përpjekjet tona në ato fusha ku vlera jonë e shtuar është më e madhe dhe ku njohuritë tona janë më të dobishme”, ka thënë ai.

“Megjithatë, si një vend neutral, Zvicra nuk do të furnizojë me armë”.

Por, thekson Cassis: “Detyrimet tona për neutralitetin ligjor nuk nënkuptojnë në asnjë mënyrë indiferencë ndaj shkeljeve flagrante të ligjit ndërkombëtar dhe të vlerave që ne mbrojmë, si liria dhe e drejta e njerëzve për të jetuar në një rend ndërkombëtar paqësor dhe të drejtë”, shkruan srf.ch.

Zvicra qëndron fuqishëm në anën e së drejtës ndërkombëtare dhe njeh integritetin territorial dhe sovranitetin kombëtar të Ukrainës. “Ne kemi përveshur mëngët dhe jemi në bord”, ka përfunduar fjalimin e tij presidenti federal i Zvicrës, Ignazio Cassis.

---