Çdo i pesti evropian vdes nga sulmi në zemër dhe tru

Në Bashkimin Evropian (BE) në vitin 2013 janë 1.1 milionë njerëz që kanë vdekur nga sulmi në zemër ose goditja në tru, të cilat përbënin 21.6 për qind të të gjitha vdekjeve në territorin e BE-së, thotë Eurostat.

Nga një atak në zemër në vitin 2013 janë 644.000 njerëz që kanë vdekur dhe pothuajse 433.000 nga sulmi në tru, sipas statistikave që i ka publikuar Eurostat këtë javë.

Që nga viti 2000 vdekjet nga sulmi në zemër dhe goditjet në tru në BE janë në rënie të vazhdueshme. Më 2000-ën sulmi në zemër ka qenë shkaktar i 16.6 për qind të vdekjeve, ndërsa nga sulmi në tru 11.5 për qind e vdekjeve, ndërsa në vitin 2013 shifrat kishin rënë në 12.9 dhe 8.7 për qind.