Çdo i treti gjerman ndjehet si “i huaj në vendin e tij”

Çdo i treti gjerman, apo 34.7 për qind e tyre ndjehen si “të huaj në vendin e tyre”, për shkak të “infiltrimit mysliman”, sipas një studimi të ri të “Friedrich Ebert”, që lidhet me SPD-në, parti gjermane, transmetojnë mediat gjermane, përcjell albinfo.ch.

Katër nga dhjetë gjermanët besojnë se Gjermania dëmton islamin, sipas hulumtimit mbi qëndrimet ndaj emigracionit dhe fesë.

28 për qind e të anketuarve besojnë se më shumë nuk mund të “shprehin opinionin e tyre pa bërë probleme”. Numri i njëjtë i njerëzve konsideron se partitë në pushtet gënjejnë votuesit.

Megjithatë, sondazhi tregon se 56 për qind e gjermanëve mbështesin plotësisht pranimin e refugjatëve dhe 24 për qind prej tyre pjesërisht kanë mbështetur pranimin e tyre në vend.

Të anketuarit e tjerë ishin të ndarë në pikëpamjen se vendi ka marrë tashmë shumë azilkërkues dhe në mendimin se Gjermania menjëherë duhet të ndalojë pranimin e imigrantëve myslimanë.

Hulumtimi gjithashtu tregon se Gjermania është aktualisht në një situatë të trazuar politike, ku mbahen marshe antimyslimane, është vërejtur dhunë ndaj refugjatëve dhe mesazhet e hapura të urrejtjes ndaj emigrantëve.