Çështja e stadiumit Hardturm shkon deri në Gjykatën Federale

Kundërshtarët e stadiumit në Cyrih ankohen në Gjykatën Federale

Kundërshtarët e projektit për ndërtimin e stadiumit Hardturm në Cyrih nuk dorëzohen. Ata kanë paraqitur ankesë në Gjykatën Federale kundër planit të zhvillimit të aprovuar për stadiumin, përcjell albinfo.ch.

Një zëdhënës i gjykatës federale konfirmoi për median «TeleZüri» se është dorëzuar një ankesë kundër vendimit të Gjykatës Administrative të Cyrihut, e cila një muaj më parë kishte miratuar planet për ndërtimin e stadiumit dhe kullave banesore.

Me këtë hap, projekti i Hardturmstadionit përsëri përballet me vonesa. Vetëm pasi të ketë një plan zhvillimi përfundimtar të vlefshëm, mund të nisë hartimi i projektit konkret të ndërtimit dhe edhe ky mund të sfidohet më pas deri në Gjykatën Federale.

---