Çfarë situate financiare presin banorët zviceranë në pension?

Shumica e të punësuarve arrijnë të kursejnë, por besimi për të ardhmen financiare mbetet i ulët

Një anketë e re e Swiss Life Insurance tregon se, ndonëse 62% e të punësuarve deklarojnë se arrijnë të kursejnë rregullisht, vetëm 42% besojnë se do të jenë në gjendje të ruajnë standardin aktual të jetesës pas daljes në pension. Rezultatet tregojnë një mospërputhje të dukshme mes aftësisë për të kursyer dhe sigurisë së perceptuar për të ardhmen financiare, përcjell albinfo.ch.

Sipas anketës, mbi një e treta e pjesëmarrësve (38%) shprehen se gjendja e tyre financiare është përkeqësuar gjatë dy viteve të fundit. Ndër faktorët kryesorë që përmenden janë rritja e primeve të sigurimit shëndetësor, qiratë më të larta dhe shtrenjtimi i përgjithshëm i çmimeve.

Swiss Life thekson se kombinimi i kostove në rritje dhe pasigurisë ekonomike po ndikon drejtpërdrejt në perceptimin e stabilitetit financiar të punonjësve.

---