Chelsea, United dhe Liverpool pas mbrojtësit shqiptar

Elseid Hysaj po vazhdon me formë stabile, duke qenë një nga mbrojtësit më të mirë në Serie A.

Mbrojtësi i Kombëtares Shqiptare mbetet një nga pikat më të forta të skuadrës së Napolit në fazën mbrojtëse dhe 50 milionë euro, që është edhe klauzola e largimit të tij, mund t’i paguajë pa problem çdo klub i madh evropian.

Menaxheri i Hysajt, Mario Giuffredi, sipas mediave italiane, ditët e fundit ka udhëtuar drejt Anglisë, ku ka organizuar disa takime me përfaqësues të Chelseat, të cilët po këmbëngulin për kartonin e klientit të tij shqiptar, përcjell albinfo.ch.

Giuffredi u shpjeguar londinezëve se për 24-vjeçarin nga Shkodra janë shumë të interesuar Manchester United, që shpreson të largojë në verë italianin Darmian, dhe Liverpooli.

Sigurisht që bëhet fjalë vetëm për takime mes menaxherësh, pasi për momentin Hysaj është i përqendruar në përfundimin e edicionit dhe të fitojnë titullin kampion.

Për presidentin Aurelio De Laurentiis, Hysaj mbetet një “xhevahir” i paçmueshëm si për objektivat sportiv dhe për ato financiar.