Çifti shqiptar kthehet nga diaspora në vendlindje për të jetuar

Nga diaspora, në vendlindje

Është bërë e ditur se çifti shqiptar, Kristina Zalli dhe bashkëshorti i saj Robert Topalli janë rikthyer nga Italia në fshatin Nenshat në Lezhë dhe kanë vendosur ta rindërtojnë jetën e tyre në vendlindje, shkruan albinfo.ch.

Sipas informacioneve Roberti është mjeshtër saldator ndërsa Kristina punon si kamariere.

Ata vendosen që edhe në vendlindje mund të i’a dalin mbanë jetës, duke punuar punët që ata i dëshirojnë. Kristiana është duke zhvilluar karrieren e saj në një restaurant shumë të pëlqyer dhe shumë kërkuar, Mrizi i Zanave Agroturizëm.

Nga ana tjetër kujtojmë se ka shumë shqiptarë të rikthyer nga diaspora në vendlindje, duke zhvilluar bizneset e tyre, sikurse kuzhinieri shqiptar, Bleri Dervishi i cili ka hapur restorantin në vendlindje.

Këtë herë ai është kthyer nga Milano për të hapur restorantin në vendlindje, e për të befasuar me kuzhinën shqiptare, duke i dhënë kahe tjetër, apo siç thotë ai, “evolucion”.

Ai ka bërë me dije hapjen e restorantit me kuzhinë shqiptare me bazë tradicionale, të gërshetuar me teknikat moderne. Dervishi, po ashtu ka punuar për shumë vjet në Milano, por tashmë ai po i përkushtohet sipërmarrjes së re, në një nga zonat e restauruara të Tiranës. /Albinfo.ch.

 

---