Lajme

Cilat ishin faqet më të klikuara gjatë vitit 2021?

E martë, 4 Janar 2022 - 17:00 albinfo.ch

(KEYSTONE/Gaetan Bally)

Me sa duket, ky ndërrim vitesh ka sjellë me vete një ridimensionim të prezencës tonë online – duke bërë që Google të mos jetë më platforma më e preferuar në rang global.

Pavarësisht gamës së gjerë të shërbimeve të ofruara nga Google, si Maps, Translate, Photos, Flights, Books, News etj., viti 2021 solli disa ndryshime esenciale në botën virtuale.

Lista e faqeve më të klikuara gjatë vitit 2021:

1) TikTok.com
2) Google.com
3) Facebook.com
4) Microsoft.com
5) Apple.com
6) Amazon.com
7) Netflix.com
8) YouTube.com
9) Twitter.com
10) WhatsApp.com

Po, kompania kineze TikTok – që dominon për numër përdoruesish nën moshën 18 vjeç – arriti të merrte vendin e parë këtë vit, jo vetëm për sa i përket faqes më të klikuar, por edhe listës së aplikacioneve më të shkarkuara gjatë vitit 2021, të publikuar nga prestigjozja Forbes.

Edhe pse Facebook është ende platforma me më shumë përdorues në gjithë botën, TikTok është rrjeti social që ka më tepër klikime dhe përdorues aktivë, në gjithë botën!

Në listën e aplikacioneve më të shkarkuara vendin e dytë e mori Instagram, ndjekur nga Facebook, WhatsApp dhe Snapchat./Euronews.