Cilat janë vendet evropiane që e përdorin gazin rus?

pixabay

Kryeministri i Mbretërisë së Bashkuar,, Boris Johnson, ka thënë se opsionet që ishin të paimagjinueshme tri javë më parë, tani janë “shumë në tryezë”, kur bëhet fjalë për sanksionet e vendosura ndaj Rusisë.

“Duhet të mendojmë se si të gjithë mund të largohemi sa më shpejt që të jetë e mundur nga varësia, varësia nga hidrokarburet ruse, nafta dhe gazi rus. Të gjithë po e bëjnë këtë. Të gjithë janë në të njëjtin rrugëtim. Disa vende do ta kenë më shpejt dhe më lehtë se të tjerët”, ka thënë ai.

Ndërkohë të dielën, sekretari amerikan i Shtetit, Antony Blinken, i tha CNN se SHBA-ja po punon me aleatët e saj në Evropë për të shqyrtuar mundësinë e ndalimit të importeve të naftës ruse në një përpjekje për të ndëshkuar më tej vendin që po ushtron një agresion mbi Ukrainën.

Sipas CNN, për shembull, në SHBA pasojat e një ndalimi të importit të naftës ruse do të kishin ndikim të kufizuar – duke qenë se Rusia përfaqëson më pak se 2% të importeve të saj të përgjithshme të naftës. Ndërkohë në një infografikë të publikuar po nga CNN, paraqiten vendet që janë më së shumti të varura nga gazi rus, që janë: Hungaria, Sllovakia, Moldavia, Austria, Gjermania, Bullgaria,…/CNN

Vendet evropiane që e përdorin gazin rus