Cili është aeroporti më i ngarkuar në botë tani për tani

unspash

Aeroporti Ndërkombëtar Anchorage i Alaskës kohët e fundit ka pasur një ngritje të papritur të rëndësisë.

Tani është aeroporti më i ngarkuar në botë, të paktën të shtunave.

“E shtuna është një ditë e zënë për operacione ngarkesash, që është buka dhe gjalpi ynë, por është gjithashtu dita më e ngadaltë për shërbimin e pasagjerëve”, shpjegon menaxheri i aeroportit, Jim Szczesniak.

“Kështu, për shembull, të shtunën, më 2 maj, ne në Anchorage kishim 744 operacione fluturimi, ndërsa Chicago kishte vetëm 579 dhe Atlanta kishte vetëm 529”. Anchorage gjithashtu rrëmbeu shkurtimisht titullin si aeroporti më të ngarkuar në botë të shtunën, shkruan CNN, përcjell albinfo.ch.

Pandemia e koronavirusit ka shkaktuar që trafiku i pasagjerëve të jetë në rënie me më shumë se 90%, sipas Angela Gittens, drejtoreshës së përgjithshme të ACI World.

“Kërkesa është zhdukur shumë”, ka thënë ajo, përcjell tutje albinfo.ch.

Aeroporti Anchorage pozicionohet në avantazh të përsosur gjeografik. Vendndodhja e tij, krejtësisht në krye të botës, do të thotë që aeroplanët “fluturojnë lart dhe mbi majë [të globit] për të shkurtuar distancën”, thotë Szczesniak.