Çmimet më të larta të konsumit në Zvicër: “Ky është vetëm fillimi”

Benzina, është rritur me 25 për qind që nga fillimi i luftës në Ukrainë.

Energjia, ushqimi dhe banesa janë ndër segmentet që përjetojnë rritje të çmimeve, edhe pse, me një rritje të përgjithshme të çmimeve prej “vetëm” 2.4 për qind, inflacioni mbetet më i moderuar në Zvicër sesa në vendet e tjera evropiane, ku luhatet midis 5 dhe 10 për qind, shkruan albinfo.ch.

Megjithatë, për Federatën e Konsumatorëve të Rajonit Zvicerane-Francez (FRC), “ky është vetëm fillimi”.

Shkaku kryesor i inflacionit në Zvicër është rritja e kostos së energjisë. Benzina, për shembull, është rritur me 25 për qind që nga fillimi i luftës në Ukrainë.

Çmimet e ushqimeve gjithashtu pritet të rriten në të ardhmen e afërt, thonë ekspertët. /Albinfo.ch

---