Çmimi i karburantit në Gjermani, në nivelin më të lartë të të gjitha kohëve

Shkak i kësaj rritje drastike të çmimeve është jo vetëm faktori ekonomik, por edhe ai gjeopolitik

 

”Një ditë më parë, benzina kushtonte 1,71 euro bazuar në një mesatare ditore kombëtare, duke thyer rekordin e mëparshëm prej 1,70 eurosh më 13 shtator 2012”, deklaroi Shoqata Gjermane e Automobilave.

Më parë kjo shoqatë kishte lëshuar një deklaratë për shtyp, duke e quajtur janarin muajin më të shtrenjtë për shoferët gjermanë. Çmimet gjermane janë ndër më të lartat në botë. Për shoferët në Holandën fqinje, kostoja ia kalon Gjermanisë me një mesatare që arriti në 2 € për litër të mërkurën.

Rritja e çmimeve ndikohet si nga faktorë ekonomikë, ashtu edhe nga gjeopolitikë, teksa oferta është e pakët dhe kërkesa është e lartë. Ndërkohë, tensionet politike në kufirin ruso-ukrainas po rrisin rrezikun për rritjen e çmimit të naftës bruto, pasi Rusia është një nga prodhuesit më të mëdhenj të naftës në botë.

Rritja e çmimeve të karburanteve pason uljet historike të regjistruara në vitin 2020, kur pandemia Covid-19 goditi ekonominë botërore për herë të parë.

---