Cyrihu nis projektin ligjor të kanabisit

Një studim pilot tre-vjeçar mbi shitjen legale të kanabisit filloi në Cyrih të martën. Një grup prej 1200 pjesëmarrësish në studim tani mund të blejnë produkte të kontrolluara të kanabisit.

Në fillim të projektit të quajtur “Züri Can – Kanabis me Përgjegjësi”, produktet e kanabisit do të shiten në nëntë farmaci dhe gjashtë klube sociale, siç njoftuan të martën autoritetet e qytetit të Cyrihut, transmeton albinfo.ch.

Produktet e kanabisit mund të konsumohen në dhoma private ose në një nga klubet sociale. Këto drejtohen nga individë apo shoqata private.

Nga 1200 personat që morën pjesë në studim, 80% janë meshkuj. Mosha e pjesëmarrësve është nga 18 deri në 80 vjeç, përcjell albinfo.ch.

Studimi pilot tre-vjeçar synon të shqyrtojë se si shitja e produkteve të kanabisit në kushte të rregulluara ndikon në konsumin dhe shëndetin e pjesëmarrësve.