Danimarka mbyll përkohësisht kufirin me Gjermaninë

Keystone

Në një njoftim të fundit, autoritetet daneze kanë treguar se po mbyllin përkohësisht kufirin me Gjermaninë për shkak të përhapjes së koronavirusit në qytetin e Flensburgut në Gjermaninë veriore, transmeton albinfo.ch.

Po ashtu, Ministria daneze e Drejtësisë njoftoi futjen e një shkalle më të lartë të kontrolleve kufitare në të gjitha pikat kufitare, raporton Reuters, përcjell albinfo.ch.

Web-faqja zyrtare e autoriteteve lokale në qytetin gjerman të Flensburg-ut njoftoi se shkalla e infeksionit është 193 për 100 mijë banorë dhe se prania e varianteve të mutuara të virusit është konfirmuar në 50% të rasteve.

Nga nesër në këtë qytet gjerman do të vendoset një shtetrrethim që zgjat nga ora 21 deri në 5 të mëngjesit.