Dëbora e ngrinë Gjermaninë veriore

Bora mbuloi Gjermaninë veriore të dielën, duke bërë që operatori hekurudhor Deutsche Bahn të pezullojë lidhjet me Holandën dhe disa shërbime të brendshme në distanca të gjata ndërsa qendra kombëtare e motit paralajmëroi për “dëborë jashtëzakonisht të rëndë”.

Temperaturat ranë në -7 gradë Celsius në Berlin dhe Hanover, dhe erërat e forta nga lindja ngritën furtunat e dëborës, tha shërbimi i motit DWD.

Deutsche Bahn tha në faqen e saj të internetit se shërbimet e trenave në distancë të gjatë midis Berlinit, Hanoverit dhe Këlnit ishin pezulluar deri në një njoftim tjetër, përcjell albinfo.ch