Detaje të reja lidhur me vrasjen e gruas nga Kosova në Austri

Një grua nga Kosova, Zoja O., 39-vjeçare, është gjendur e vdekur në kopshtin e shtëpisë së saj.

Ngjarja ka ndodhur të dielën e Pashkëve pasdite në Austrinë e Poshtme, teksa dyshohet se ka humbur jetën pas plagëve të marra nga thika dhe arma e zjarrit.

I dyshuari kryesor është ish-burri i saj, 47-vjeçar i cili ndodhet në paraburgim, transmeton albinfo.at.

Sipas mediave austriake, gruaja është nga Kosova, Gjakova me banim në Baden të Austrisë.

Raportohet se ata kishin katër fëmijë së bashku dhe se kishin pasur konflikte familjare teksa dyshohet se krimi mund të ketë ndodhur si shkak i një mosmarrëveshje.

Motivi i ngjarjes nuk dihet ende.